John 12

UJesu ugcotshwa eBethani

1Kwathi kuselensuku eziyisithupha lingakafiki ^a iphasika ^b, uJesu wafika eBethani ^c, lapho okwakuloLazaro khona owayefile, ayemvuse kwabafileyo ^d. 2Basebemenzela ukudla kwantambama lapho ^e, loMarta wayesebenza ^{f , g}; njalo uLazaro wayengomunye walabo ababehlezi ekudleni laye.

3UMariya ^h wasethatha iphawundi yamagcobo awenadi* uqobo adulayo ⁱ, wagcoba inyawo zikaJesu ^j, wesula inyawo zakhe ngenwele zakhe; lendlu yagcwala iphunga lamagcobo. 4Ngakho omunye wabafundi bakhe, uJudasi Iskariyothi kaSimoni, owayezamnikela ^k, wathi: 5Kungani amafutha la engathengiswanga ngabodenariyo* abangamakhulu amathathu, kwasekunikwa abayanga ^l? 6Wakutsho-ke lokhu, kungeyisikho ukuthi ekhathalele abayanga, kodwa ngoba wayelisela, wayelesikhwama ^m, ethwala okwakufakwa phakathi kwaso ⁿ. 7UJesu wasesithi: Myekeleni; uwalondolozele usuku lokungcwatshwa kwami ^o. 8Ngoba abayanga lihlala lilabo, kodwa mina kalihlali lilami.

9Ngakho ixuku elikhulu lamaJuda lakwazi ukuthi ulapho; laselisiza kungesikuthi ngenxa kaJesu kuphela, kodwa lokuthi babone loLazaro ^p, ayemvuse kwabafileyo ^q. 10Abapristi abakhulu ^r basebesenza icebo lokuthi babulale loLazaro ^s; 11ngoba ngenxa yakhe ^t amaJuda amanengi ^u asuka, akholwa kuJesu ^v.

UJesu ungena eJerusalema

12Kusisa ixuku elikhulu ^w elalizile emkhosini ^x, lezwa ukuthi uJesu uyeza eJerusalema, 13bathatha ingatsha zezihlahla zelala, baphuma ukuyamhlangabeza, bamemeza besithi: Hosana*! Ubusisiwe ozayo ebizweni leNkosi, iNkosi kaIsrayeli ^y. 14UJesu wasefica ithole likababhemi, wahlala phezu kwalo, njengokulotshiweyo ukuthi: 15Ungesabi, ndodakazi yeSiyoni; khangela, inkosi yakho iyeza, ihlezi phezu kwethole likababhemi ^z. 16Kodwa abafundi bakhe kabaqedisisanga lezizinto ekuqaleni ^aa; kodwa uJesu esedunyisiwe ^ab, basebekhumbula ukuthi lezizinto zazilotshiwe ngaye, lokuthi babezenzile lezizinto kuye ^ac. 17Ngakho ixuku elalilaye lapho ebiza uLazaro ukuthi aphume engcwabeni, emvusa kwabafileyo, lafakaza ^ad. 18Ngenxa yalokhu ixuku laphuma futhi ukuyamhlangabeza, ngoba lezwa ukuthi wenze lesisibonakaliso ^ae. 19Ngakho abaFarisi bakhulumisana besithi: Liyabona ukuthi kalisizi lutho; khangelani umhlaba uyamlandela ^af.

UJesu ukhuluma ngokufa kwakhe

20Kwakukhona amaGriki phakathi kwalabo ^ag ababenyukelele ukukhonza ^ah emkhosini ^ai; 21wona-ke eza kuFiliphu ^aj oweBhethisayida yeGalili ^ak, basebemcela besithi: Nkosi, sithanda ukubona uJesu. 22UFiliphu weza watshela uAndreya; uAndreya loFiliphu basebetshela uJesu futhi ^al. 23UJesu wasebaphendula esithi: Ihola selifikile ^am lokuthi iNdodana yomuntu idunyiswe ^an. 24Ngiqinisile, ngiqinisile, ngithi kini: Ngaphandle kokuthi uhlamvu lwebele luwele emhlabathini lufe, lona luhlala lulodwa; kodwa aluba lusifa, luthela isithelo sande ^ao. 25Yena othanda impilo yakhe uyalahlekelwa yiyo ^ap; lozonda impilo yakhe kulumhlaba uzayilondoloza kuze kube yimpilo engulaphakade ^aq. 26Uba umuntu engisebenzela, kangilandele; lalapho engikhona mina ^ar, lenceku yami izakuba khona. Futhi uba umuntu engisebenzela, uBaba uzamhlonipha ^as.

27Khathesi umphefumulo wami ukhathazekile ^at; sengizathini? Baba ^au, ngisindise kulelihola ^av. Kodwa ngenxa yalokhu ^aw ngifikile kulelihola ^ax. 28Baba, dumisa ibizo lakho ^ay. Kwasekusiza ilizwi livela ezulwini lisithi: Sengilidumisile, ngizaphinda ngilidumise ^az. 29Ngakho ixuku elalimi khona lisizwa lathi kube lomdumo. Abanye bathi: Ingilosi ikhulume laye. 30UJesu waphendula wathi: Lelilizwi kalizanga ngenxa yami, kodwa ngenxa yenu ^ba. 31Khathesi kulesigwebo salumhlaba ^bb; khathesi umbusi walumhlaba ^bc uzaxotshelwa phandle ^bd. 32Mina-ke nxa ngiphakanyiswa emhlabeni ^be, ngizadonsela ^bf bonke kimi ^bg. 33Watsho-ke lokhu ^bh etshengisa uhlobo lokufa ayezakufa ngalo ^bi.

34Ixuku lamphendula lathi: Thina sezwa emlayweni ^bj ukuthi uKristu uhlala phakade ^bk; njalo ungatsho njani ukuthi: INdodana yomuntu imele ukuphakanyiswa ^bl? Ingubani le iNdodana yomuntu? 35UJesu wasesithi kubo: Kuseyisikhatshana ^bm ukukhanya ^bn lilakho ^bo. Hambani liselokukhanya, hlezi umnyama ulehlule ^bp; njalo ohamba emnyameni kazi lapho aya khona ^bq. 36Liselokukhanya, kholwani kukho ukukhanya, ukuze libe ngabantwana bokukhanya ^br. UJesu wakhuluma lezizinto, wasuka, wabacatshela ^bs.

Ukulahlwa kwamaJuda ngokungakholwa kwawo

37Lanxa wayenze izibonakaliso ezinengi kangaka phambi kwabo ^bt, kabakholwanga kuye; 38ukuze ligcwaliseke ilizwi likaIsaya umprofethi, alikhulumayo elokuthi: Nkosi, ngubani okholwe intshumayelo yethu? Lengalo yeNkosi yembulelwa bani ^bu? 39Ngakho babengelakho ukukholwa, ngoba uIsaya wabuya wathi: 40Uphumputhekisile amehlo abo ^bv, wayenza lukhuni inhliziyo yabo; ukuze bangaboni ngamehlo abo, baqedisise ngenhliziyo, baphenduke, besengibasilisa ^bw. 41UIsaya wakhuluma lezizinto ^bx, lapho ebona inkazimulo yakhe, wakhuluma ngaye ^by. 42Loba kunjalo-ke labanengi bababusi ^bz bakholwa kuye ^ca; kodwa ngenxa yabaFarisi kabavumanga ^cb, ukuze bangakhutshwa esinagogeni ^cc; 43ngoba bathanda udumo lwabantu kulodumo lukaNkulunkulu ^cd.

UJesu weza ukuzasindisa umhlaba

44UJesu wasememeza esithi ^ce: Okholwa kimi, kakholwa kimi ^cf, kodwa kuye ongithumileyo ^cg; 45njalo obona mina, ubona ongithumileyo ^ch. 46Mina ngizile ngiyikukhanya emhlabeni, ukuze wonke okholwa kimi, angahlali emnyameni ^ci. 47Njalo uba ekhona owezwayo amazwi ami angakholwa, mina kangimgwebi ^cj; ngoba kangizanga ukuthi ngigwebe umhlaba, kodwa ukuze ngisindise umhlaba ^ck. 48Yena ^cl ongalayo engawemukeli amazwi ami, ulaye omgwebayo ^cm; ilizwi esengilikhulumile ^cn, lona lizamgweba ^co ngosuku lokucina ^cp. 49Ngoba mina kangizikhulumelanga ngokwami ^cq; kodwa uBaba ongithumileyo, nguye onginike umlayo ^cr, wokuthi ngizathini lokuthi ngizakhulumani ^cs. 50Njalo ngiyazi ukuthi umlayo wakhe uyimpilo elaphakade; ngakho izinto mina engizikhulumayo, njengokutsho kukaBaba kimi, ngokunjalo ngiyakhuluma ^ct.